Инсонларни дўстлик, аҳиллик ва бирдамликка чорловчи хусусият бу меҳр-мурувватдир. Меҳр-оқибат, инсонпарварлик ва саховатпешалик ўзбек халқига хос умрбоқий анъаналардан ҳисобланади. Айниқса, ногиронлиги бўлган инсонларни кўрганда, уларнинг маюс кўзларига боқилганда соғликни қадрига етиш, шукроналик туйғулари жўш уради.
Шу мақсадда Бухоро муҳандислик-технология институти жамоаси Давлат хавфсизлик хизмати Бухоро вилояти бошқармаси билан ҳамкорликда Ўзбекистон Республикаси Тиббий-ижтимоий хизматларни ривожлантириш агентлиги Бухоро “Мурувват” ногиронлиги бўлган болалар учун интернат уйига ташриф буюришди.
Дилдан суҳбатлашилди, тарбияланувчиларнинг ҳаётга қизиқишлари, кўзларидаги қувонч ва миннатдорчиликни кўриб, меҳр-мурувват қанчалик кучли қадрият эканлигига яна бир бор ишонч ҳосил қилинди.
