Бухоро давлат университетига Туркиянинг Акиф Эрсой университетининг бир гуруҳ вакиллари – Акиф Эрсой вақфи Таҳсин Йилдирим, Давлат кутубхона мудири Рамазан Миндер, Истанбул Маданият Университети профессори Тургай Анар, Меҳмет Акиф Эрсой университети проректорлари Меҳмет Каража, Дурмуш Ажар, Ўмар Текшенлар ҳамда университетнинг ректор маслаҳатчиси Мустафо Киличдан иборат делегация ташриф буюрди.
Меҳмонлар университетда талаба-ёшлар ва ўқитувчи-ходимлар учун яратилган шарт-шароитларни кўздан кечиришди. “Бизнес Акселератор” ҳамда унинг таркибидаги Роботехника маркази фаолияти ҳамда БухДУ илмий-амалий музей лабораторияси билан танишишди. Ахборот ресурс марказига ташриф буюриб, БухДУ фондидаги нодир китобларни кўздан кечиришди.
