Бухоро давлат университетида «Биз бир бўлсак – ягона халқмиз, бирлашсак – Ватанмиз» шиори остида 2024-2025 ўқув йилининг бошланишига бағишланган тантанали маросим ўтказилди. Ушбу муҳим тадбирни университет ректори Обиджон Хамидов очиб берди. Тадбирда университет профессор-ўқитувчилари, ишчи ходимлари, талабаликка тавсия этилган ёшлар қатнашишди. Тадбирда БухДУ профессори , Сулаймон Иноятов, Сиддиқ Қаҳҳоров, Сенат аъзоси, Олий Мажлиснинг Инсон ҳуқуқлари бўйича вакили (омбудсман)нинг Бухоро вилояти минтақавий вакили Абира Хусеновалар талалабаларга ўзларининг тилакларини тиладилар.
Маросимда сўзга чиққан Обиджон Хамидов янги ўқув йилининг барча талаба ва ўқитувчилар учун муваффақиятли бўлишига тилакдош эканлигини билдирди. Университетнинг ютуқлари ва келгусидаги режаларига тўхталиб, илмий салоҳиятни янада ошириш ҳамда талабаларга замонавий таълим бериш йўналишидаги ислоҳотлар муҳимлиги таъкидланди.
БухДУ фахрий устози, профессор, Сулаймон Иноятов ўз нутқида таълим тизимининг ривожланишида университетнинг роли ва аҳамияти ҳақида гапирар экан, келажак авлодни тарбиялашда университетга бўлган ишончини ифода этди.
Шунингдек тадбир сўнгида юқори балл олиб университетга талабаликга тавсия этилган талабалар ва уларнинг ота-оналарига ташаккурномалар топширилди.
Тадбир якунида талабаларга янги ўқув йилида омад ва зафарлар тилаб, бир қатор маданий тадбирлар ташкил этилди. Бу эса ўқув йилининг кўтаринки руҳда бошланишига хизмат қилди.
