Жорий йилнинг 23–28 апрель кунлари Туркманистон таълим вазирлиги ташаббуси билан Ашхобод шаҳридаги Халқаро гуманитар фанлар ва тараққиёт университетида олий таълим муассасалари талабалари ўртасида «ОМОУС-2023» халқаро очиқ математика олимпиадаси бўлиб ўтди.
Унда Германия, Венгрия, Россия, Саудия Арабистони, Эрон, Мексика, Ўзбекистон ва Озарбайжон каби 20 давлатдан жами 300 га яқин талаба қатнашди. Юртимизнинг 13 та олий ўқув юртидан 40 дан зиёд талаба иштирок этди.
✔️ Ушбу олимпиадада жамоавий тартибда иштирок этган Бухоро давлат университети талабалар жамоаси аъзолари:
Қодиров Суҳайл
Шодиев Мирзобек
Болтаев Диёрбек
Ражабов Диёрлар
Бухоро давлат университети, қолаверса, юртимиз шарафини муносиб ҳимоя қилиб, бронза медали соҳиби бўлишди.
Бундан ташқари, Олимпиаданинг якка тартибдаги А категориясида жамоанинг икки нафар аъзоси
Шодиев Мирзобек
Болтаев Диёрбеклар фахрли 3-ўринни эгаллашди.
