Бухоро давлат университети ректори, профессор Обиджон Хамидов Талабалар турар жойида бўлиб, талабалар яшаш шароитлари, қизиқишлари билан тўлиқ танишди. Ёшлар билан суҳбат жараёнида уларнинг қизиқишлари, хоббилари, соғлиқлари, ўқиш ва яшаш тарзи борасидаги масалаларни ўрганди.
Шу кеча ТТЖдаги имконияти чекланган БухДУ талаба-ёшлари бир нуқтага жамланди. Боиси, улар учун ректор ташаббуси билан шахмат, шашка, стол тенниси каби спорт мусобақалари, Заковат интеллектуал ўйини ташкил этилди. Бу мусобақаларда муассаса раҳбарининг шахсан иштирок этиши имконияти чекланган талаба-ёшларга завқ ва ишонч бағишлади. Ректор Обиджон Хамидов ҳар бир талабанинг севиб ўқиган асари хусусида мулоҳазаларини тинглади. Фикр билдириш асносида келажакда етук кадр бўлиш учун қилиниши керак тадбирларни ўртоқлашди.
Талабалар турар жойидаги компютер марказида ахборот технологиялари билан қай даражада машғул эканликларини ўрганди. Ижодкор талабалар куйлаган куй-қоъшиқлар тадбирга янада файз багъишлади. Шахмат мусобақасида муносиб иштирок этган ҳамда Заковат интеллектуал ўйинида ғалаба қозонган талаба-ёшлар ташаккурномалар билан тақдирланишди.
БухДУ ректори Обиджон Хамидов томонидан талабалар турар жойида истиқомат қилувчи талабалар учун ифторлик дастурхони ёзилди.
