Бухоро давлат педагогика институтида талаба-ёшларни миллий ва умуминсоний, ижтимоий-ахлоқий, маданий ва маънавий қадриятларимиз, анъана, урф-одат, миллий санъатимиз билан яқиндан таништириш, ёшларнинг тарихий тафаккурини ошириш мақсадида «Миллий қадриятларнинг энг фаол тарғиботчиси» танлови ўтказилди.
Танловда институтда мавжуд 5 та факультет талабаларидан иборат жамоалар 3 та шарт асосида ўзаро беллашдилар.
Ушбу шартларда жамоаларнинг чиқишлари ҳакамлар ҳайъати томонидан танланган мусиқаларнинг, кийим, реквизитларнинг миллийликга мослиги, ижрочиларнинг маҳорати, овоз имкониятлари, урф-одатларнинг бир-бирига боғлиқлиги, яхлитлик, саҳнага олиб чиқилган анъана, қадрият ва урф-одатларнинг боғланиши, жамоани умумий бирликда намоён бўлиши, рақс ва куй қўшиқ, мусиқий безаклар маҳорат билан ижро этилганлиги инобатга олиниб баҳоланди.
Кўтаринки руҳ ва аъло кайфиятда ўтган танловнинг якуний натижаларига кўра:
🥇- ўрин Тиллар факультети
🥈- ўрин Ҳарбий таълим факультети
🥉- ўрин Педагогика ва ижтимоий фанлар факультети эгаллади.
Эътироф этиш лозимки, танлов янги иқтидор эгаларини кашф этди.
Хусусан, танлов давомида Жунайдова Малоҳат «Энг яхши миллий рақс ижрочиси» ва Матёкубова Ферангиз «Энг яхши миллий қўшиқ ижрочиси» номинациясида ғолиб деб топилди.
