Бугун, 29 сентябрь куни “Ўқитувчи ва мураббийлар куни” муносабати билан “Сарбон” тўйхонасида тантанали тадбир ташкил этилди. Тадбирда Бухоро давлат педагогика институти профессор-ўқитувчилари, ходимлари, кўп йиллик тажрибага эга фахрий устоз ва мураббийлар иштирок этди.
Тантанали тадбирда институт ректори Баҳодир Маъмуров сўзга чиқиб, йиғилганларни байрам билан самимий қутлади. Соҳада эришилаётган барча ютуқлар фидойи устоз-мураббийларнинг фидокорона меҳнати эвазига кундан-кун ортиб бораётгани қайд этилди.
Тадбирда кўп йиллик тажрибага эга фахрий ўқитувчилар, соҳадаги фаолияти давомида юқори кўрсаткичларга эришаётган устоз ва мураббийлар, ёш педагоглар қимматбаҳо совғалар билан тақдирланди. Ёш ижрочилар ва вилоятимиз санъат усталари томонидан ижро этилган устозларни мадҳ этувчи куй ва қўшиқлар байрам файзини янада оширди.
