Куни кеча «Бухоро халқаро аэропорти» чегара божхона пости орқали «Истамбул – Бухоро» йўналишидаги авиарейсда учиб келган А.А нинг хатти-ҳакатлари божхона ходимларининг эътиборини тортди, дея хабар бермоқда вилоят Божхона бошқармаси матбуот хизмати.
Натижада, йўловчининг қўл юклари ҳамда кузатиб борилаётган багажи рентген аппарати орқали божхона назоратидан ўтказилганда, йўловчи божхона декларациясида ёзиб кўрсатилмаган ва оғзаки сўровда ҳам маълум қилмаган умумий қиймати 46 200 000 сўмлик 709 дона дори воситалари борлиги аниқланди. Шунингдек, ҳозирда юқоридаги ҳолат юзасидан терговга қадар текширув ҳаракатлари олиб борилмоқда.
