БухДУ Жисмоний маданият факултети талабалари “Илм-фан соҳасидаги хизматлари учун” кўкрак нишони билан тақдирланишди

Бугун Ватанимизнинг халқаро майдондаги обрў-эътиборини юксалтиришга ва шон-шуҳратини оширишга муносиб ҳисса қўшаётган, юртимиз равнақи, унинг истиқболи, ижтимоий-сиёсий ҳаётида фаоллиги ва ташаббускорлиги билан ёшларга ўрнак бўлаётган, шунингдек меҳнат фаолиятида ҳамда илм-фан соҳасидаги илмий изланишларида ютуқларга эришаётган кўплаб талаба-ёшлар “Best publication” илмий тадқиқотлар ва ёшларни қўллаб-қувватлаш маркази директорининг 2022 йил 5 май кунидаги № 9-сонли буйруғига биноан “Илм-фан соҳасидаги хизматлари учун” кўкрак нишони билан тақдирланди. Тақдирланган орасида Бухоро давлат университети Жисмоний маданият факултети талабалари Рустамжон Раҳимбоев ва Лазизбек Жамилов ҳам бор. Тошкент шаҳрида бўлиб ўтган тадбирда Олий Мажлис Қонунчилик палатаси депутатлари, машҳур санъаткорлар, профессорлар, фан докторлари, ўқитувчилар, оммавий ахборот воситаси ходимлари ҳамда ёшлар иштирок этишди.