2022/2023 ўқув йили қабулида 6 та таълим йўналиши бўйича 203 нафар техникум битирувчилари рўйхатдан ўтган.
Суҳбат жараёнлари БухДУ Ахборот ресурс маркази ҳамда Бош бинодаги 104-хоналарда ташкил этилган, http://camera.buxdu.uz веб-сайти орқали тўлиқ видео кузатув остида ўтказилмоқда. Жараёнларни ота-оналар, кузатувчилар учун ажратилган алоҳида кутиш жойига овозли тарзда онлайн трансляция қилинмоқда.
Талабаликка тавсия этилган абитуриентлар рўйхати университетнинг http://www.buxdu.uz расмий веб-сайтида эълон қилинади ҳамда уларга тўлов-контракт бланкалари берилади. Тўлов-контракт сифатида ўқитишнинг тўлов миқдори бир талабани ўқитиш билан боғлиқ харажатлар миқдоридан келиб чиқиб белгиланади. Тўлов-контракт шартларини тўлиқ бажарган битирувчиларнинг тегишли бакалавриат таълим йўналишининг 2-босқичига талабаликка ўқишга қабул қилиш тўғрисида буйруқ расмийлаштирилади.
