Бухоро тарихий марказида ёғин (қор, ёмғир) сувларини қочириш тизимини қуриш, ички кўчаларда муҳандислик-коммуникация (электр, сув ва алоқа) тармоқларини ер остидан ўтказиш ҳамда аҳоли хонадонлари фасад қисмини тарихий кўринишга келтириш бўйича ишлар жадал давом этмоқда.
Хусусан, Хўжа Нуробод, Чорминор, Саллахона кўчаларида мавжуд ер ости газ қувурларида, электр ва алоқа тармоқларида демонтаж, тармоқларни ер остидан ўтказиш ишлари олиб борилмоқда.
Бундан ташқари, Чор минор, Зиндон, Самарқанд дарвоза, Истеза мадрасаси Минораи калон ҳудудлари бўйлаб кенг миқёсда реставрация, консервация тиклаш ишлари бажарилмоқда. Канализация тармоқлари тортилмоқда. Мазкур ишларнинг асосий қисми “Бухорогазсаноатқурилиш” акциядорлик жамияти зиммасида.
Амалга оширилаётган ишлар эса вилоят ҳокими Ботир Зариповнинг кундалик назорати остида кечмоқда. Бугун ҳам вилоят раҳбари кун тартибини айни шу манзилдаги иш жараёнларини кўздан кечиришдан бошлади.
Ботир Зарипов ҳар бир кўча эски шаҳар руҳига мос бўлишини таъминлаш, ишларни жадаллаштириш, қадимий иншоотлар ва йўл бўйларида манзарали дарахт кўчатларни ўтқазиш юзасидан вазифаларни белгилаб берди. Жараёнда юзага келаётган муаммллар билан ҳам қизиқди. Уларни ҳал этиш бўйича муддат белгиланиб, ижросини назоратга олинди.
