Ромитан тумани ҳокими Умеджон Барноев ташаббуси билан Буюк Ипак йўли чорраҳасида жойлашган “Bukhara Desert Oasis & Spa” инновацион туризм кластерида зафар дастурхони ёзилди.
Тантанали тадбирда вилоят прокурори Улуғбек Хамдамов, туман ҳокими Умеджон Барноев бошчилигида сектор раҳбарлари, тумандаги қишлоқ хўжалиги ташкилотлари, кластер ходимлари, ғалла йиғим-ўримига жалб қилинган отряд аъзолари, бириктирилган вакиллар, механизаторлар ва фидойи ғаллакор фермерларимиз иштирок этишди.
Вилоят прокурори Улуғбек Хамдам сўзга чиқиб, бугунги эришилган ютуқ билан сизларни яна бир бор ушбу шукуҳли ва файзли байрам билан чин қалбимдан табриклаб, энг эзгу ва самимий тилакларимни изҳор этаман.
Ўрим жараёнини уюшқоқлик билан ташкил қилган ромитанлик ғаллакорлар жорий йилнинг 24 июнь куни давлатга 17 минг 230 тонна дон топшириб, шартномавий режани 100,1 фоизга ғалла топшириш режасини ортиғи билан бажарганини таъкидлаб ўтди.
Шундан сўнг ғалла ўрими жараёнида жонбозлик кўрсатган 100 нафар ғалла йиғим-ўримига жалб қилинган отряд аъзоларига туман ҳокимлигининг фахрий ёрлиғи, эсдалик ва қимматбаҳо совғалар топширилди.
