Адолат ва қонун устуворлигини таъминлаш йўлида

Бугун, Мажбурий ижро бюроси Бухоро вилояти бошқармаси маъмурий биносида оммавий ахборот воситалари ходимлари, журналист ва блогерлар иштирокида матбуот анжумани бўлиб ўтди.
Анжуманда Бюронинг вилоят бошқармаси ва ҳудудий бўлимлари томонидан жорий йилнинг 1-чораги давомида амалга оширилган ишлар юзасидан бошқарма бошлиғи маъруза қилди.
           – Асосий эътибор, суд ва бошқа органлар ҳужжатларининг сўзсиз ижросини таъминлаш, ижро ҳужжатлари, ундирилган маблағлар ҳисобини юритиш, ижро иши юритишда сансалорлик ва суиистеъмол қилиш ҳолатларига йўл қўймаслик ҳамда меҳнат ва ижро интизомини мустаҳкамлашга қаратилди, – деди бошқарма бошлиғи О.Б.Мардонов.
– Хусусан, аҳолининг ночор, ижтимоий ҳимояга муҳтож қатламини қўллаб қувватлаш мақсадида “Темир дафтар”, “Аёллар дафтари” ва “Ёшлар дафтари” жамғармаларига 10,5 млрд. сўм (2022 йил 1-чорагида 5,9 млрд. сўм) йўналтирилган.
Жорий йилнинг 1-чорагида 1 трлн. 963 млрд. сўмлик 125.440 та ижро ҳужжатлари қабул қилиниб, 54.705 тасининг ижроси тамомланган, 44.483 та ижро ҳужжатлари бўйича 352 млрд. сўм амалда ундирилган бўлиб, ўтган йилнинг мос даврига нисбатан қўшимча 82,6 млрд. сўм кўп маблағ ундирилган.
Жисмоний ва юридик шахсларнинг бузилган уй жойлари, иморатлари, ишлаб чиқариш бинолари ва бошқа иншоотлари учун маҳаллий ҳокимликлардан компенсация ундириш билан боғлиқ 8,6 млрд. сўмлик 56 та ижро ҳужжатлар ижроси амалда таъминланган.
           Алимент ундируви билан боғлиқ 13.502 та ижро ҳужжатлари бўйича ижро ҳаракатлари амалга оширилиб, ундирувчилар фойдасига 19,1 млрд. сўм маблағлар ундириб берилиши таъминланган.
           Бюро органлари аралашуви билан 413 нафар ишсиз алимент тўловчилар ишга жойлаштирилган ва 1359 та оилалар яраштирилган.
Вояга етмаган фарзандини моддий таъминлашдан бўйин товлаган 281 нафар шахсларнинг маъмурий ва 15 нафар шахсларнинг жиноий жавобгарлик масаласи ҳал қилинган.
Ижро ҳаракатлари жараёнида Бюро органларидан яширинган 424 нафар шахсларга нисбатан қидирув тадбирлари амалга оширилиб, 135 нафари топилган ва жавобгарлик масаласи ҳал қилинган.
Вазирлар Маҳкамасининг 03.08.2022 йилда 427-сонли “Алимент тўловлари жамғармаси фаолиятини ташкил этиш тўғрисида”ги қарори талабларига кўра ундирувчиларга етказилган 179 млн. сўмлик зарарлар алимент тўловлари жамғармаси маблағлари ҳисобидан қоплаб берилган.
Ҳозирда, мазкур тадбирлар давом эттирилмоқда.
Бюронинг Бухоро вилояти бошқармаси