Абу Даби халқаро аэропортида ишлайдиган Европанинг “Wizz Air” авиакомпанияси бутун дунёда бюджет рейслари билан танилган.
Мазкур компания мутасаддилари жорий йилнинг 6-9 июль кунлари Ўзбекистонда бўлди. Ташриф давомида Самарқанд ва Тошкент шаҳарларидан Абу Даби шаҳрига тўғридан-тўғри мунтазам рейсларни амалга ошириш бўйича келишувларга эришилди.
Шунингдек, “Wizz Air” мутасаддилари жорий йилнинг 7-8-июль кунлари Бухоро шаҳрида бўлиб, туристик компаниялар фаолияти ва ҳудуднинг сайёҳлик имкониятлари билан танишди. Бухоро Халқаро аэропортидаги шароитларни ўрганди.
Келажакда Бухородан ҳам Абу Даби шаҳрига тўғридан-тўғри мунтазам рейсларни амалга ошириш режалаштирилган.
