Бухоро туманидаги “Ёш пахтакор” ёзги оромгоҳида чуқурлаштирилган тиббий кўрик ташкил қилинди

28 май куни Бухоро туманидаги “Ёш пахтакор” болалар ёзги дам олиш оромгоҳида болалар, ҳомиладор аёллар ва ижтимоий ҳимояга муҳтож аҳоли қатлами учун чуқурлаштирилган тиббий кўрик ўтказилди.
Тиббий кўрикда 75 дан ортиқ вилоят тиббиёт муассасалари мутахассислари, тиббиёт институти профессор олимлари, туман тиббиёт бирлашма тор соха мутахассислари иштирок этдилар. Кардиолог, невропатолог, хирург, акушер-гинеколог, педиатр, эндокринолог, лор ва окулист каби мутахассислар томонидан 800 дан ортиқ аҳоли кўрилиб, УЗИ, ЭКГ каби текширувлардан ўтказилди.
Асосий мақсад аҳолини чуқурлаштирилган тиббий кўрикдан ўтказиш, шунингдек, даво муолажаларини белгилаш, бирламчи тиббий-санитария тизимида фаолият кўрсатаётган тиббиёт ходимларига амалий ёрдам кўрсатиш ва соғлом турмуш тарзи тарғиботини олиб боришдир.
Аниқланган касалликлар бўйича 309 кишига амбулатор ва 19 нафар фуқарога стасионар шароитда даволаниш тавсия этилди қолган фуқароларга маслаҳатлар берилди.
Тиббиёт ходимлари томонидан аҳоли орасида соғлом турмуш тарзини шакллантириш, хусусан жисмоний фаолликни ошириш, мунтазам равишда ҳар куни эрталаб ва кечки овқатдан сўнг пиёда юриш, зарарли одатлардан воз кечиш юзасидан давра суҳбатлар ўтказилди. Соғлом овқатланиш тамойиллари бўйича кўргазма ташкил қилинди. Тиббий кўрик туманимизнинг барча ҳудудларида йил давомида давом этади.