Ўзбекистоннинг олтин боласи, профессионал боксчи Шаҳрам Ғиёсов Бухоро давлат университетида бўлди. Университет спорт залида спортчи талаба-ёшлар иштирокида ўтказилган учрашувда ректор Обиджон Хамидов Ғиёсовни эришган ғалабаси билан самимий табриклаб, у каби спортчиларнинг эришаётган ютуқлари бухоролик талаба-ёшларга фахр-ифтихор бағишлаётганлигини алоҳида таъкидлади. Ўз навбатида спортчи ўзининг муваффақиятга олиб бораётган йўли, натижаларининг сабаби ҳақида талабалар билан ўртоқлашди. Спорт соҳаси машаққатли, аммо ортингда юрт шаъни борлиги учун ҳам фахр-ифтихор бағишлаши, кучли масъулият юклашини таъкидлади.
Рустам Раҳимбоев,
БухДУ Жисмоний маданият факультети талабаси
