Ўзбекистонда 2026 йилнинг биринчи ярмида норасмий сектор томонидан 38,2 трлн сўмлик қурилиш ишлари бажарилди. Бу жами қурилиш ишларининг 19,9 фоизини ташкил этган.
Миллий статистика қўмитаси маълумотларига кўра, 2026 йил январь–июнь ойларида норасмий секторда бажарилган қурилиш ишлари ҳажми ўтган йилнинг мос даврига нисбатан 6,9 фоизга ошган.
Қурилиш соҳасида энг катта улуш кичик корхона ва микрофирмалар ҳиссасига тўғри келган. Улар томонидан 105,7 трлн сўмлик қурилиш ишлари бажарилиб, умумий ҳажмдаги улуши 55 фоизни ташкил этган.
Йирик қурилиш ташкилотлари эса 48,1 трлн сўмлик иш бажарган. Уларнинг соҳадаги улуши 25,1 фоиз бўлган.
Шундай қилиб, норасмий секторнинг 38,2 трлн сўмлик қурилиш ҳажми мамлакатдаги жами қурилиш ишларининг қарийб бешдан бир қисмига тенг бўлган.
