⚡️ Ўзбекистон шошилинч тиббий ёрдам врачлар ассоциациясининг “Шошилинч тиббий ёрдамни ташкил қилишнинг долзарб муаммолари, шошилинч тиббиётда критик ҳолатлар, патогенез, диагностика ва даволаш масалалари” мавзусига бағишланан XIX Республика илмий-амалий анжумани 2024 йил 10-11 октябр кунлари Хива шаҳрида бўлиб ўтди. Анжуманда Россия, АҚШ, БАА, Қатар, Германия, Туркия, Озарбайжон, Аргентина, Марказий Осиё давлатлари олимлари ва бошқалар иштирок этдилар. Шунингдек, Республика тиббиёт илмий марказлари ҳамда барча вилоятлардан тиббиёт соҳасидаги олимлар билан бир каторда Республика шошилинч тиббий ёрдам илмий маркази Бухоро филиалидан бир гуруҳ ходимлар ҳам қатнашдилар.
Анжуман пленариумини Ўзбекистон шошилинч тиббий ёрдам врачлар ассоциациясининг раиси т.ф.д. профессор А.М.Хаджибаев очиб берди. Анжуман маърузалари тиббиёт йўналишларида 3 та секцион залларда бўлинган ҳолда амалга оширилди. Маърузаларда тиббиётнинг энг сўнгги янгиликлари тўғрисидаги маълумотлар профессор олимлар томонидан тақдим қилинди. Республика шошилинч тиббий ёрдам илмий маркази Бухоро филиали мутахассислари ҳам ўз маърузалари билан фаол қатнашдилар. Айниқса филиалнинг Кардиореанимация бўлими врачи Латипов Абдулазиз “Ёш олимлар” кўрик танловида фахрли биринчи ўринни эгаллашга мувваффақ бўлди.
РШТЁИМ Бухоро филиалида илмга бўлган эътибор юксаклиги ҳамда аҳоли саломатлиги ишончли қўлларда эканлиги муболағасиздир!
