Қонун лойиҳасида нафақат фуқароларнинг уй-жойлари балки тадбиркорларнинг ишлаб чиқариш объектлари ва улар жойлашган ерларга тегишли ҳуқуқлар эътироф этилиши таклиф этилган.
Қонун таъсири доирасига 2018 йил 1 май кунига қадар ўзбошимчалик билан эгаллаган ер ҳамда унда қурилган бино ва иншоотлар тушади.
Қонун таъсири доирасига тушадиган объектлар
космик суратлар орқали аниқланади.
Ўзбошимчалик билан эгаллаган ер ҳамда унда қурилган бино ва иншоотларга тегишли ҳуқуқ эътироф этилиши учун фуқаро ва тадбиркорларнинг ариза берилиши талаб этилмайди.
Ўзбошимчалик билан эгаллаган ер ҳамда унда қурилган бино ва иншоотларга тегишли ҳуқуқни эътироф этишнинг асосий шартлари ушбу ер бошқа шахсларга ажратилмаган ёки аукционга чиқарилмаганлиги, фойдаланувчилар ўртасида низо бўлмаслиги ҳамда солиқдан қарздорлиги бўлмаслиги керак.
Айрим объектлар бўйича қўшимча шартлар ҳам назарда тутилган.
Барча жараёнлар ваколатли давлат органлари томонидан График асосида мустақил амалга оширилади.
Ҳуқуқ эътироф этилиши якунига етганда, фуқаро ва тадбиркорларга бу ҳақида хабарнома юборилади.
Ҳуқуқлар эътироф этилганлик учун 370 минг сўмдан 3 млн 700 минг сўмгача бир марталик йиғим назарда тутилган.
Мазкур Қонун лойиҳаси қабул қилиниши фуқаролар ва тадбиркорлик субйектларининг ўзбошимчалик билан эгалланган ер участкалари ҳамда уларда қурилган кўчмас мулк обйектларига нисбатан ҳуқуқлари расмийлаштирилиши учун ҳуқуқий асослар яратилишига хизмат қилади.
