Ҳозирда барча тармоқ хизматлари ўз куч ва имкониятларидан фойдаланиб, ҳудудда тозалаш-ободонлаштириш, таъмирлаш-тиклаш ва янгилаш ишларига сафарбар қилинган бўлиб, кундалик бажарилаётган иш штабда муҳокама қилиниб, мувофиқлаштириб борилмоқда.
Бугун Президент Администрацияси масъул ходими Жамшид Ҳасанов, Умед Якубов, Бухоро вилояти Халқ қабулхонаси бош мутахассиси Маъмур Рахмонқулов, туман сектор раҳбарлари ҳамда туман ҳокими ўринбосарлари тумандаги Шўрча маҳалла фуқаролар йиғинида “Обод хонадон, обод кўча, обод маҳалла” мезонларини жорий этиш бўйича амалга оширилаётган ишлар билан яқиндан танишишди.
Жумладан, янги маҳалла биносининг қурилиши, ижтимоий соҳа объектларидаги мавжуд муаммоларни бартараф этилиши, аҳоли хонадонларидаги ободонлаштириш ишларининг бориши, уларнинг яшаш турмуш шароитларини янада яхшилаш, бандлигини таъминлаш бўйича олиб борилаётган ишлар кўздан кечирилди.
Ушбу маҳалладаги ахолининг яшаш шароитлари ва ҳудудларнинг санитар шароитларини, йўл инфратузилмаларини, электр тузилмаларини, суюлтирилган газ ва ичимлик сув таъминотларини яхшилаш, аҳоли яшаш пунктларини ободонлаштириш ишларини сифатли қилиб бажариш юзасидан кўрсатмалар берилди ҳамда ва ҳар бир ходимга берилган вазифаларга сидқи дилдан ёндошиш лозимлиги таъкидлаб ўтилди.
