Жорий йилнинг 26 октябрь куни ижтимоий тармоқларда “Ўзбекистон Республикаси Бош прокуратураси ҳузуридаги Мажбурий ижро бюроси директори номига “Корона” хусусий корхонаси ва “Фазлиддин кўприк қурилиш конструкциялари” МЧЖ фойдасига “Бухоро кўприклардан фойдаланиш” унитар корхонасидан ундирилиши лозим бўлган маблағлар тўлиқ ундириб берилмаётганлиги ҳақидаги Ф.Рамазановнинг мурожаати ёритилди.
Ушбу мурожаатда, Бухоро туманлараро иқтисодий судининг 21.07.2022 йилдаги ижро варақасига асосан “Бухоро кўприклардан фойдаланиш” унитар корхонасидан “Корона” хусусий корхонаси фойдасига ҳамда мазкур суднинг 06.10.2022 йилдаги ва 17.07.2023 йилдаги ижро варақасига асосан “Фазлиддин кўприк қурилиш конструкциялари” МЧЖ фойдасига ундирилиши лозим бўлган маблағлар тўлиқ ундириб берилмаётганлиги билдирилиб, масалани алоҳида назоратга олиш ва амалий ёрдам сўралган.
Мазкур ҳолат юзасидан Бош прокуратура ҳузуридаги Мажбурий ижро бюроси Бухоро вилояти бошқармаси томонидан ўрганилди.
Аниқланишича, Бухоро туманлараро иқтисодий судининг 21.07.2022 йилдаги ижро варақасига асосан қарздор “Бухоро кўприклардан фойдаланиш” унитар корхонасидан “Корона” хусусий корхонаси фойдасига 422.927.834 сўм қарз ундириш тўғрисидаги ҳамда мазкур суднинг 06.10.2022 йилдаги ижро варақасига асосан “Бухоро кўприклардан фойдаланиш” унитар корхонасидан “Фазлиддин кўприк қурилиш конструкциялари” МЧЖ фойдасига 68.048.547 сўм қарз ундириш ва 17.07.2023 йилдаги ижро варақасига асосан 26.656.600 сўм ундириш тўғрисидаги ижро ҳужжатлари Бюронинг Бухоро шаҳар бўлими иш юритувига келиб тушган ҳамда ижро иши юритишни қўзғатиш тўғрисида қарорлар қабул килиниб, ижро ҳаракатларига киришилган.
Ижро ҳаракатлари давомида қарздор корхона банк ҳисоб рақамларига ва Ғазначилик бошқармасида бўлган ҳисоб рақамларига банд солиниб, қарздорга тегишли барча мол-мулкларга таъқиқ қўйилган.
“Корона” хусусий корхонаси фойдасига қарз ундириш тўғрисидаги ижро ҳужжати бўйича 09.03.2023 йилда 29.071.775 сўм, 27.06.2023 йилда 50.143.577 сўм ва 01.08.2023 йилда 31.903.820 сўм жами 111.119.172 сўм пул маблағлари ундирувчининг ҳисоб рақамига кўчириб берилган.
“Фазлиддин кўприк қурилиш конструкциялари” МЧЖ фойдасига қарз ундириш тўғрисидаги ижро ҳужжати бўйича 09.03.2023 йилда 4.677.611 сўм, 27.06.2023 йилда 8.068.037 сўм ва 01.08.2023 йилда 5.133.283 сўм жами 17.878.932 сўм пул маблағлари ундирувчининг ҳисоб рақамига кўчириб берилган.
Ижро ҳаракатлари давомида қарздор корхонага тегишли бўлган Бухоро шаҳар, Ғиждувон кўчасида жойлашган бино-иншоот хатланган.
Ҳозирда, бино-иншоотни баҳолаш ҳамда реализация қилиш мақсадида “E-auksion” электрон савдо майдончаси орқали савдога чиқариш чоралари кўрилмоқда.
Бўлим иш юритувида қарздор “Бухоро кўприклардан фойдаланиш” унитар корхонасидан ундирувчи корхона ва ташкилотлар ҳамда давлат солиқ идоралари фойдасига жами 14,2 млрд. сўм ундириш тўғрисидаги ижро ишлари мавжуд.
Ижро ҳаракатлари давомида қарздор корхонадан ундирилган маблағлар ундирувчиларга Қонуннинг 79-80-моддаларига асосан тақсимланганлигини ҳамда келгусида қарздор корхонадан ва унинг мол-мулки сотувидан тушган маблағлар ҳам қонун талабларига асосан тақсимланиши маълум қиламиз.
Ҳозирда, ижро ҳаракатлари давом эттирилмоқда.
Бюронинг Бухоро вилоят бошқармаси
Расмий муносабат
Фикр билдириш
Фикр билдириш
