Вобкент туманидаги “Ҳажувон” маҳалласида яшовчи аҳоли “Бир маҳалла – бир маҳсулот” тамойили асосида бройлер жўжа етиштиришни бошлаб юборган.
Вобкент туман ҳокимлиги кўмаги билан Микрокредит банкдан 1.5 млрд. сўм кредит олиб, 18000 та жўжа боқяпмиз, – дейди ёш тадбиркор Ўринов Миршод. Бугун Вобкент туман ҳокими Ф.Умаров ва Қонунчилик Палатаси депутати Қ.Асадовлар ушбу тадбиркорлик фаолияти билан яқиндан танишди.
Тадбиркорлик фаолиятини 4000 та бройлер жўжа озуқаси билан бошлаб олган эдим. Қирқ кундан кейин жўжалар катта бўлгач, таъминотчининг ўзи сотиб оладиган бўлди.
Жойим кенг, яхши парвариш қиляпмиз. Ҳисоб-китоб қилиб кўрдим: 2 ойда битта бройлер жўжа боқиш учун ўртача 35-38 минг сўм харажат қилар эканман. Ҳар бир жўжа икки килограммдан гўшт қилса, 45 минг сўм даромад оламан. 2 ойда рўзғоримга 30 миллион сўмга яқин фойда кириши оиламизга катта ёрдам бўлади.- дейди биз билан суҳбатда тадбиркор.
