Янги йил байрамининг асосий тантанаси – “Президент арчаси” тадбири “Вобкент” маҳалласи ҳудудида жойлашган маҳобатли минора олдида бўлиб ўтди.
Туман ҳокими Фарҳод Умаров болажонларни янги йил айёми билан муборакбод этар экан, уларнинг келажаги ишончли қўлларда эканлиги, муҳтарам Президентимиз томонидан яратиб берилаётган шарт-шароитлар фарзандларимизнинг комил инсон бўлиб вояга етишишига қаратилганлигини таъкидланди.
♾Шундан сўнг даврага болажонлар орзиқиб кутган қорбобо ва қорқиз, катта айиқлар, масқарабоз, бўри, тулки, қуён каби эртак қаҳрамонлари кириб келишди. Кўм-кўк арча атрофида ўйин-кулгу авжига чиқди. Тадбирнинг фаол иштирокчиларига қорбобо совғасидан баҳраманд бўлишди. Байрам тадбири туман Маданият бўлими санъаткорларининг куй-қўшиқлари билан уйғунлашиб кетди.
