Жорий йилнинг 5 декабрь куни Бухоро давлат университетида «Халқаро волонтёрлар куни» муносабати билан тадбир ўтказилди.
Тадбирда ЗООМ платформаси орқали Тошкент шаҳар ҳокими ўринбосари Д.Раҳимова, Ёшлар ишлари агентлиги Интеллектуал ўйинлар, волонтёрликни ривожлантириш бўлими бошлиғи Б.Аралбаева, Ёшлар ишлари Бухоро вилоят бошқармаси бош мутахассиси Ш.Нарзуллаев, Бухоро вилояти маънавият бўлими ходими, БухДУ ёшлар етакчиси Ф.Каримов, БухДУ Волонтёрлик маркази бош координатори Р.Раҳимбоев ҳамда университетнинг фаол волонтёрлари иштирок этди.
Тадбирда сўз чиққан барча устозлар волонтёр-ёшларни байрам муносабати билан табриклаб, уларга куч-қувват, ишларига омад ва зафарлар тилади.
Тадбир якунида университетда ўтказилган «Йил волонтёри – 2022» танловининг ғолиблари тантанали равишда тақдирланди.
