Вобкент туман ҳокими Фарҳод Умаров иштирокида Вобкент тумани “Диёр” МФЙда жойлашган 26-умумий ўрта таълим мактабида ўтказилган навбатдаги оммавий сайёр қабул аҳоли билан тўғридан-тўғри мулоқотни кенгайтириш, мавжуд долзарб муаммоларни аниқлаш, уларни бевосита жойида бартараф этиш юзасидан аниқ ва тезкор чоралар кўриш мақсадига қаратилганлиги билан аҳамиятли бўлди.
Бўлиб ўтган ушбу қабулда туман ИИБ бошлиғи, Халқ қабулхонаси мудири, ҳоким ўринбосарлари, тумандаги ташкилот ва идоралар раҳбарлари, бошқа мутасаддилар қатнашдилар.
Юзма-юз очиқ мулоқотда мактабгача таълим ташкилоти қуриш, ичимлик суви тармоқларини ўтказиш, газ балонларини ўз вақтида қишлоқ ҳудудига киритиш, ариқлардан чиқарилган қумларни ҳашар қилиб олиш, масалаларига оид 6 та мурожаат келиб тушган бўлса уларнинг 2 тасига ҳуқуқий, 3 тасига тушунтириш ва қолган мурожаатларга ўрганиш учун муддатлар белгиланди.
