БухДУ ректори Обиджон Хамидовнинг навбатдаги учрашуви 2022/2023 ўқув йилида талабаликка қабул қилинган Жисмоний маданият ва Филология факултети талабалари билан бўлди.
Учрашувдан асосий мақсад янги ўқув йилида талабалар билан яқиндан танишиш, дарс жараёнида талабалар иштирокининг сифати, тюторларнинг талабалар фаолиятини назорат қилиш, ҲЕМИС дастурида маълумотларни киритиш, давомат масаласи, фанларни ўзлаштириши, умуман олганда талаба фаолиятини ўрганиш бўйича кўрсатмалар берилди.
Олийгоҳ ректори Обиджон Хамидов талабаларни қабул қилинганликлари билан яна бир бор табриклаб, университетдаги шарт-шароит, таълим тизими ҳақида атрофлича тушунтириш берди. Дарсдан сўнг бўш вақтда фойдаланиш мумкин бўлган тўгараклар, мавжуд инфратузилмалардан оқилона фойдаланиш, моддий-қўллаб қувватлаш каби масалалар хусусида атрофлича сўзлади. Учрашув мобайнида ёшлар билан очиқ мулоқот ўтказилди ҳамда жорий йилда юқори натижа билан ўқишга қабул қилинган талабалар тақдирланишди.
