Когон шаҳар «Орзу» болалар ва ўсмирлар спорт мактабида кўзи ожиз болалар ўртасида спортнинг мини футбол тури бўйича мусобақа бўлиб ўтди. Унда Бухоро шаҳар 24-сонли «Нурли маскан» ихтисослаштирилган мактаб интернатининг 4 та жамоаси ўзаро тўп суришди.
«Олтин қанот» ҳамда «Лочинлар» жамоаси ўзаро баҳслашиб, 2:1 ҳисобда «Олтин қанот» жамоаси устунликни қўлга киритди.
«Бундай мусобақаларни ташкиллаштирилиш, биздек имконияти чекланганларга берилаётган эътибор, яратипаётган шарт-шароитлар учун аввалам бор юртбошимизга, сўнгра Когон шаҳар ҳокимлиги, барча мутасаддиларга жамоамиз номидан миннатдорчилик билдираман» – «Олтин қанот» жамоаси ўйинчиси Шаҳриёр Нуриллоев.
