8 сентябрь куни Ромитан туман ҳокими Умеджон Барноев томонидан 1-секторга қарашли “Қўрғон” маҳалла фуқаролар йиғинидаги аҳоли вакиллари билан сайёр қабул ўтказилди.
Сайёр қабул давомида фуқаролар томонидан даволаниш учун амалий ёрдам, ички йўлларни шағаллаштириш ва таъмирлаш, тадбиркорлик қилиш учун ер майдони ажратиш, электр таъминотини яхшилаш бўйича мурожаатлари тингланди ва атрофлича ўрганилди.
Муддат талаб қиладиган мурожаатларни қонунда белгиланган муддат ичида кўриб чиқилишини ва имкон қадар ижобий ҳал қилинишини таъминлаш бўйича 1-сектор раҳбари томонидан тегишли ташкилот ва корхона раҳбарларига кўрсатма ва топшириқлар берилди.
