Вилоят 4-сектор ишчи гуруҳи томонидан «5 та муҳим ташаббус» доирасида турли хил спорт мусобақалари ташкил этилмоқда. Хусусан, айни кунларда вилоятнинг барча шаҳар ва туманларида «Соғлом келажак сари» шиори остида сектор раҳбари кубоги учун стол тенниси мусобақалари ўтказиляпти.
Ана шундай мусобақалардан бири Бухоро тиббиёт институти қошидаги 1-сонли академик лицейида ҳам ташкиллаштирилди.
Стол тенниси бўйича Ўзбекистон терма жамоа мураббийси Ғулом Мўминовнинг хотирасига бағишланган ушбу ХИИ-анъанавий хотира турнирида республикамизнинг барча вилоятларидан келган 17 ёшгача бўлган ўғил-қизлар куч синашдилар.
Зўр шиддат билан бўлиб ўтган стол тенниси ўйинларини малакали ҳакамлар баҳолаб бордилар.
Ташкил этилган стол тенниси мусобақасининг финал босқичи кўтарингки руҳда ташкил этилди. Унда вилоят 4-сектор раҳбарининг йўлланган тилаклари иштирокчиларни янада рухлантирди.
Мазкур турнирда 200 нафардан ортиқ ёшлар иштирок этди.
Якунда ғолиб ва совриндорлар 4-сектор томонидан диплом ва эсдалик совғалари билан тақдирландилар.
Эътиборлиси, ушбу мусобақалар иқтидорли спортчиларни етиштириш, айниқса, қишлоқ ҳудудларидаги ёшларнинг катта спортга кириб келишига хизмат қилади.
