Намангандаги болалар заҳарланиши билан боғлиқ ҳолатни ёритмоқчи бўлган журналистлар вазир ёрдамчиси ва матбуот котибларининг жиддий қаршилигига учрашди.
Вазир ёрдамчиси Администрациядан топшириқ бўлганини ошкор қилди, унга кўра бу борада савол бериш ҳам, саволларга жавоб бериш ҳам тақиқланган экан.
Ёрдамчига кўра, “бунақа вазир ҳеч қаерда йўқ, у ишлаяпти, шунинг учун ҳеч нарсани ковламай, сукут сақлаш керак”.
Видеода ССВ матбуот котиби Фурқат Санаевнинг телеграм гуруҳида журналистлардан сукут сақлашини сўрагани ҳақидаги гапни эшитиш мумкин. Мазкур лавозимда энг узоқ ўтирган Фурқат Санаевнинг ўзи эса, бувоқеалар фонидан ҳали бирор марта кўриниш бермади. Заҳарланиш ҳолати юз бергани ҳақидаги хабарни ўз каналида охирги марта бундан уч кун аввал жойлаштирган матбуот котиби шунда ҳам бу воқеаларга С. Мирзиёеванинг муносабатини кўчирган холос.
