Газ жиҳозлари ишлаб турган хоналарда дам олишга йўл қўймаслигингизни ва газ ҳиди пайдо бўлган ҳолда, 104 телефон рақами орқали газ хизматига мурожаат қилишингизни илтимос қиламиз.
«Ҳудудгазтаъминот» АЖ истеъмолчиларни байрам кунларида табиий газ билан узлуксиз таъминлаш мақсадида, истеъмол қилинган «зангори» ёқилғи учун тўловларни ўз вақтида амалга оширишни ва газ таъминоти хизматлари учун олдиндан тўлов қилишни астойдил сўрайди.
Эслатиб ўтамиз, тўловларни туман газ таъминоти шохобчаларида ва банкларнинг тегишли филиалларида, шунингдек “Uzum”, “Payme”, “UPay”, “Click”, “Zoomrad” мобил иловалар орқали 24/7 режимида амалга ошириш мумкин.
Маълумот учун: Табиий газ таъминотини қайтадан бошлаш учун тўловни амалга ошириш ва ҳисоблаш асбоби блокировка бўлиб қолишининг олдини олиш мақсадида, ўлчагични ёқишдан олдин барча газ ускуналарини ўчириб қўйиш лозим. Кўк рангли «Энтер» тугмасининг уч марта босилиши ёнилғи таъминотини давом эттиришга имкон беради. Нотўғри ёқилганлиги сабабли «ақлли» ҳисоблагич блокировка бўлиб қолган ҳолда 1104 рақамига қўнғироқ қилиш керак. «Ҳудудгазтаъминот» АЖ Салл-маркази оператори ҳисоблагичингизни улашда ёрдам беради.
«Ҳудудгазтаъминот» АЖ матбуот хизмати
