Вобкент туман ҳокимлиги қабулида “Қурувчи” маҳалласи фуқаролари томонидан йўл ва симёғочларни таъмирлаш масаласида қилган мурожаатларини туман ҳокими Ф.Умаров ва тегишли мутасаддилар иштирокида жойига бориб ўрганилди.
“Қурувчи” МФЙнинг Ўзбекистон кўчасида истиқомат қилиб келаётган аҳоли мурожаатларнинг мазмун-моҳияти, уни бартараф этиш бўйича туман мутассадилари ва фуқаролар билан суҳбат ташкил этилди.
Мурожаат қилган фуқаролар билан ўтказилган учрашувда туман ҳокими Ф.Умаров аҳоли билан юзма-юз учрашиб мурожаатларни ҳар томонлама таҳлил қилиб, уларнинг юзага келиш сабабларини тушунтириб берди. Бир сўз билан айтганда фуқароларнинг муаммолари ҳал бўладиган бўлди. Охири берк бўлиб қолган кўчага янги йўл очиш ва тез орада эски симёғочлар янгисига алмаштирилиши тўғрисида фуқароларга тушунтирилди.
Мурожаатдаги муаммолар бўйича тегишли мутасадди ташкилотлар раҳбарларига тезда мурожаатларга жавоб қайтарилишини айтиб ўтди.
— Бунинг учун мутасаддилар халқ билан доимий мулоқотда бўлиши, аҳолини ташвишлантираётган муаммоларнинг ичига янада чуқурроқ кириб, вазиятни қалбан ҳис қилиши керак.
