ЖАВОБ: Бисмиллаҳир Роҳманир Роҳим.
Ўтади. Жонлиқ сўйишда “Бисмиллаҳи Аллоҳу акбар” деб сўйиш суннатга мувофиқ сўйишдир. “Дуррул Муҳтор” китобида қуйидагича келган:
و المستحب ان يقول بسم الله الله اكبر بلا واو
“Жонлиқ сўйишда “вов ҳарфисиз бисмиллаҳи Аллоҳу акбар” деб сўймоқ мустаҳабдир”. (9 жилд, 437 бет).
Лекин, кимдир сўйишда “Бисмиллаҳ”ни ўзини айтган бўлса ҳам унинг сўйиши тўғри бўлади. “Баҳрур-ройиқ” китобида шундай дейилган:
ولو قال بسم الله جاز نوي او لم ينو لانه صريح في التسمية
“Агар сўйувчи жонлиқ сўйишда ният қилса ёки қилмаса “бисмиллаҳ” деса жоиз бўлади. Чунки, “бисмиллаҳ” тасмия борасида очиқ равшандир” (8-жуз, 307-бет). Валлоҳу аълам.
