Директорга нисбаттан жиноят кодексининг 210-моддаси(пора олиш) билан жиноят иши қўзғатилган. Бу ҳақида Бухоро вилоят ички ишлар бошқармаси ахборот хизмати хабар бермоқда.
Ҳуқуқни муҳофаза қилувчи органлар ходимлари ҳамкорликда ўтказган тезкор тадбир давомида Қоракўл туманидаги умумтаълим мактабларидан бирининг раҳбари, “Хўжакон” маҳалласида яшовчи Ж.Ф. ўз хизмат мавқеидан фойдаланиб, бошқа фуқаролар Б.М. исмли эркакни мактаб қорувули, Н.С. исмли аёлни фаррош вазифасига ишга қабул қилганлиги эвазига ушбу мактаб хўжалик ишлари бўйича мудираси Х.Г. орқали бир уларнинг бир ойлик маошлари миқдорида – 900 минг сўм пулни олган вақтида ашёвий далиллар билан ушланган.
Мазкур ҳолат юзасидан дастлабки тергов ҳаракатлари олиб борилмоқда.
