Уларнинг ўлжаси орасида “Қизил китоб”га киритилган балиқлар булган.
27-май куни соат 07:00ларда Миллий гвардия Бухоро вилояти бўйича бошқармаси ҳамда Экология ва атроф муҳитни муҳофаза қилиш бошқармаси ҳамкорлигида олиб борилган рейд тадбирида Қоракўл тумани “Замон-Бобо” табиий сув ҳавзасида фаолият олиб бораётган “Асқар Ота Омад” фермер хўжалигига тегишли ҳудудда ов қилиб юрган шахслар кузатувга олиниб, автомашинада бўлган бир гуруҳ шахслар чўл ҳудудида тўхтатилиб текширилганда, Қоракўл тумани “Полвонлар” МФЙда яшовчи фуқаролар Н.С. ҳамда Й.Т. балиқ овлаш қоидаларини бузиб, тақиқланган ов қуроли леска тўрлар 25 дона ва астрака (санчқи) 25 дона ёрдамида ов қилаётган вақтда ашёвий далиллар билан ушланди.
Фуқаролар Н.С. ва Й.Т.лар томонидан ов қилинган маҳсулотлар кўздан кечирилганда умумий 169 дона турли хил турдаги балиқлар овланганлиги (159 дона Сазан, 5 дона Лаққа, 2 дона Товон, 2 дона Туркистон байроқдори ва 1 дона Лиш балиқлари), шундан 2 дона Туркистон байроқдори балиқлари “Қизил китоб”га киритилганлиги маълум бўлди ва табиатга етказилган зарар миқдорини аниқлаш мақсадида ов маҳсулотлари вилоят експертиза бўлимига юборилди.
Мазкур ҳолат юзасидан фуқаро Н.С. ва Й.Т.лар ов қилиш қоидаларини бузганлиги тушунтирилиб, ов воситалари бўлган капрон ипли сетка ва астрака (санчқи) олиб қўйилди.
Мазкур ҳолат юзасидан ҳозирда суриштирув ишлари олиб борилмоқда.
