Республикада кузатилаётган аномал совуқ кунларда аҳоли ва истеъмолчиларни нефть маҳсулотлари билан таъминлаш барқарорлигини таъминлаш бўйича амалга оширилаётган ишлар билан танишиш мақсадида “Ўзбекнефтгаз” АЖ Бошқарув раиси Меҳриддин Абдуллаев бошчилигидаги ишчи гуруҳ Бухоро НҚИЗга ташриф буюрди.
“Ўзбекнефтгаз” АЖ Бошқарув раиси бугунги кундаги аномал об-ҳаво ўзгаришларини инобатга олган ҳолда корхонанинг асосий таркибий бўлинмалари бўйлаб экскурсия ўтказди, турли хил технологик ва иқтисодий жиҳатларга аниқлик киритди, технологик қурилмалар, компрессор ва насос станциялари ишлашини жойида ўрганди.
Цехлар ишчилари билан учрашди. Суҳбат давомида уларга меҳнат шароитларини яратиш борасидаги муаммоли масалалар муҳокама қилинди.
Заводдаги технологик жараёнларнинг узлуксиз ишлаши ва мамлакатимиз истеъмолчиларини АИ-80 русумли автомобиль бензини ва суюлтирилган газ билан таъминлаш мақсадида Бухоро НҚИЗда корхона ва ишлаб чиқариш цехлари раҳбарларидан тезкор штаб тузилди. Шунингдек, кучли совуқ даврида масъул шахсларнинг навбатчилиги бўйича чоралар кучайтирилди.
Шу билан бирга, Бухоро НҚИЗ мутахассисларининг ишчи учрашуви бўлиб ўтди, унда заводнинг ишлаб чиқариш кўрсаткичлари билан боғлиқ долзарб масалалар муҳокама қилинди.
Ташриф доирасида завод бош мутахассислари билан учрашув бўлиб ўтди. Йиғилишда 2023 йилга мўлжалланган техник-иқтисодий кўрсаткичларни бажариш, инновацион ривожланиш, маҳаллийлаштирилган маҳсулотлар ишлаб чиқариш ва кооперацияни кенгайтириш, янги маҳсулотларни чиқариш, иқтисодий самарадорликка эришиш бўйича кўрилаётган чора-тадбирлар, корхонанинг капитал қурилиш дастурлари ва жорий йилдаги режалари муҳокама қилинди.
Завод фаолияти йўналишлари бўйича лойиҳаларнинг тақдимот планшетлари намойиш этилди.
Бухоро НҚИЗнинг 2021-2022 йиллардаги ишлаб чиқариш кўрсаткичлари ва маҳсулотлари қиёсий таҳлили ўтказилгани, заводнинг истиқболли ривожлантириш бўйича қатор таклифлар билдирилгани маълум қилинди.
Республикамиз аҳолисини нефть маҳсулотлари билан узлуксиз таъминлаш мақсадида Бухоро НҚИЗ раҳбариятига саноат хавфсизлигини мустаҳкамлаш, энергия самарадорлигини ошириш ва энергия ресурсларидан фойдаланишни оптималлаштириш, хавфсиз ишлаб чиқаришни ташкил этиш, ишлаб чиқаришни оптималлаштириш бўйича комплекс ёндашувни шакллантириш ва корхонанинг асосий фаолияти самарадорлигини ошириш бўйича топшириқлар берилди.
Хусусан, товар бензинининг кунлик ишлаб чиқариш ҳажмини 3 100 тоннага етказиш бўйича кўрсатмалар берилди.
Бундан ташқари, об-ҳаво шароитининг ёмонлашуви билан боғлиқ дунёда юзага келган вазиятни инобатга олган ҳолда корхона ходимлари учун энг қулай шарт-шароитларни яратиш, жумладан, бепул иссиқ овқат билан таъминлаш зарурлигини таъкидлади.
