Болали оилалар учун ижтимоий нафақалар қамрови 2017 йилга нисбатан 5 бараварга ошиб, 2022 йилда давлат бюджетидан 11 трлн сўмдан ортиқ маблағ ажратилган. Ҳозирда болалар нафақаси олувчи оилалар сони 2 млн 177 мингтани ташкил этади.
2021 йил сентябрь ойидан бошлаб, UNISEF билан ҳамкорликда, болали кам таъминланган оилаларга ижтимоий нафақалар тўлаш миқдори, муддатлари ва тартиби тўлиқ қайта кўриб чиқилди:
а) болали оилалар учун нафақа миқдори болалар сонига қараб оширилди:
• бир болали оилаларга 1,7 бараварга ёки 144 минг сўмдан 250 минг сўмгача (уч ёшгача — 325 минг сўм);
• икки болали оилаларга 1,7 бараварга ёки 239 минг сўмдан 400 минг сўмгача (энг кичиги 3 ёшга тўлмаган бўлса – 475 минг сўм);
• уч болали оилаларга 1,5 бараварга ёки 334 минг сўмдан 500 минг сўмгача (энг кичиги 3 ёшга тўлмаган бўлса – 575 минг сўм);
• тўрт ёки ундан ортиқ болали оилаларда ҳар бир кейинги бола учун 100 минг сўм (2021 йил сентябргача уч ёки ундан ортиқ болали оилалар учун белгиланган миқдор).
б) болаларнинг нафақа олиш ёши 14 ёшдан 18 ёшгача оширилди;
д) нафақа тўлаш муддати 6 ойдан 12 ойгача узайтирилди.
