Бу ҳақда Қишлоқ хўжалиги вазирлиги матбуот хизмати хабар берди.
«Дарёлар, каналлар ва бошқа сув объектларидан сув чиқариш воситаларини сотиб олиш ва ўрнатиш» учун субсидияга ариза юбориш имконияти яратилди.
Субсидия маблағи қуйидаги тартибда шаклланади:
– Аҳоли томорқа ерини суғориш учун чуқурлиги 10 метрдан, Қорақалпоғистон Республикаси учун 5 метрдан ортиқ бўлган кичик ҳажмдаги ҳар бир вертикал суғориш қудуғини бурғилаш ва ишга тушириш билан боғлиқ харажатларнинг биринчи метридан бошлаб 100 фоизини, бироқ базавий ҳисоблаш миқдорининг 50 бараваридан (15 миллион сўмдан) ошмаган миқдорда;
– сув таъминоти оғир ҳудудлардаги камида 30 та аҳоли томорқа ерларини суғориш учун катта ҳажмдаги суғориш қудуқларини бурғилаш ва ишга тушириш билан боғлиқ харажатларнинг 100 фоизини, бироқ 150 миллион сўмдан ошмаган миқдорда;
– фуқароларга очиқ электрон танлов орқали деҳқон хўжалиги ташкил этиш учун 0,15 гектардан 2 гектаргача бўлган ўлчамларда 30 йилга ижарага берилган ва битта контурда ёки ёнма-ён иккита контурда жойлашган камида 30 та деҳқон хўжаликлари ерларини суғориш учун катта ҳажмли вертикал суғориш қудуқларини бурғилаш ва ишга тушириш билан боғлиқ харажатларнинг 100 фоизи, бироқ 150 миллион сўмдан ошмаган миқдорда;
– дарёлар, каналлар ва бошқа сув объектларидан сув чиқариш воситаларини сотиб олиш ва ўрнатиш билан боғлиқ харажатларнинг 100 фоизини, бироқ 150 миллион сўмдан ошмаган миқдорда шаклланади.
