Маҳалла хотин-қизлар фаоли лавозимига сараланган номзодларнинг фаолиятини самарали ва тизимли ташкил этиш, талаб этиладиган билим ва кўникмаларини шакллантириш ва ривожлантириш мақсадида Бухоро шаҳри ва тумани, Когон шаҳри ва тумани маҳаллалардаги хотин-қизлар фаоли лавозимига тавсия этилган номзодлар билан «Хотин-қизлар балансини шакллантириш» юзасидан учрашув бўлиб ўтди.
Учрашув мобайнида Ўзбекистон Республикаси Оила ва хотин-қизлар давлат қўмитаси ва Бухоро давлат университети ортасида ўзаро ҳамкорлик тўғрисида меморандум имзоланди.
Унга кўра, Оила ва хотин-қизлар бошқармаси, бўлимлари, давлат ва нодавлат ташкилотлари ходимлари иштирокида вилоятдаги маҳалла фуқаролар йиғинларида вужудга келган оиладаги шахслараро муносабатлар, нотинч оилалар муаммоларининг асл сабабларини ўрганиш ва уларни бартараф этиш, жамиятда ҳозирги кунда учрайдиган салбий ҳолатлар, эрта турмуш, девиант хулқ-атворга эга шахслар билан ишлаш юзасидан «Оила тинчлиги-жамият фаровонлиги асоси» шиори асосида 2022 йил давомида ҳар ҳафтанинг шанба кунини маҳаллаларда «Аҳил оила куни» деб белгилаб, уларга психологик хизмат кўрсатиш ҳамда психокоррекцион тадбирларни олиб бориш учун Бухоро давлат университети ва бошқа олий таълим муассасаларидан 544 та МФЙга тажрибали психологлар бириктириш белгиланди.
