Ғиждувон тумани, Қумоқ қишлоғида яшовчи Азизбек Бозоров муқаддам бир эмас, икки марта судланган. Бироқ, у характеридаги салбий хислатлардан қутула олмаган экан.
А.Бозоров 2023 йил 8 ноябрь куни соат 00:30 лар атрофи. “Кобалт” русумли, 10 Т 254 ХА давлат рақамли автомашинасида таниши М.Нурбоев билан бирга “М-37”-сонли йўл бўйлаб, Бухоро шаҳри томонга қараб кетаётиб, Вобкент туманидаги Шофиркон туманига қараб бурилиши бор бўлган чорраҳада светофорда тўхтаб турган вақтида, ёнида тўхтаб турган
“Матиз” русумли автомашинадан кимдир уни ножўя сўзлар билан ҳақорат
қилгандек бўлди.
—Эшитдингми, у мени ҳақорат қилди! Буни шундай қўйиб кетадиган аҳмоқинг йўқ. Мен ҳозир санлар билан гаплашиб қўяман.
—Қўйсангчи, кечликда яхши эмас.
У жаҳл отини қамчилаб, автомашинани бошқариб бориб, Вобкент тумани марказидаги “АЛЛИАНС” номли маркет яқинига ўрнатилган светофор қизил чироғида тўхтади.
—Қайсинг мани ҳақорат қилиб ўтдинг?!
—Биз ҳеееч ннарса демадик..
—*….. қулоғим кар эмас…!!
Автомашина ҳайдовчиси В.Алойидинов ва ёнидаги йўловчи О.Ғуломов уни ҳақорат қилмаганликларини ҳар қанча тушнтиришмасин А.Бозоров тушунишни истамас, баттар асабийлашиб жаҳлга эрк бера бошлади.
- Ҳайронман, Сиз бошқа машинада биз бошқа машинада бўлсак…
Оғзаки тортишув катта жанжалга айланиб кетди.
Вобкент туман “Чармгарон” МФЙдан ўтувчи “М-37” – сонли автомобиль йўлининг 239-километрида мазкур жанжал вақтида О.Ғайбуллоев ва В.Алойиддиновларга ошхона пичоғини кўрсатиб, қўрқитиб пўписа қилган А.Бозоров қилмиши учун суд олдида жавоб беришини билиб туриб ҳам шаҳдида қайтмади. А.Бозоров бошқарувида бўлган
“СОBALT” русумли автомашинаси билан биринг қўли машина эшигига қисилиб қолганинини, бири орқа юкхонага осилиб қолганини кўрсада О.Ғайбуллоев ва В.Алойиддиновларни судраб кетди.
Суд Азизбек Бозоровни Ўзбекистон Республикаси Жиноят кодекси 277-моддаси 2-қисмининг “а,в” бандларида назарда тутилган жиноятни содир этганликда айбли деб топди.
Ўзбекистон Республикаси Жиноят кодексининг 60-моддасига асосан жиноят ишлари бўйича Тошкент вилояти Юқоричирчик туман судининг 2023 йил 13 февралдаги ҳукми билан тайинланган, жиноят ишлари бўйича Ғиждувон туман судининг 2023 йил 16 августдаги ҳукми билан алмаштирилган ва ўталмай қолган 1 йил 25 кун озодликдан маҳрум қилиш жазосини тайинланган жазога қисман қўшиш йўли билан А.Бозоровга
узил-кесил 2 (икки) йил 6 (олти) ой озодликдан маҳрум қилиш жазоси тайинланди.
Инсон ҳаёт дафтари саҳифаларини тўлдириши, безаши ўзининг қўлида. Азизбек Бобозоров бу ҳақиқатни билиб туриб амал қилмади. Пушаймонлик эса, хатони тузатмайди.
Акрам Рахимов,
Жиноят ишлари бўйича Вобкент туман судининг раиси
Нурбек Рахимов,
Бухоро вилоят судининг бош консультанти
