Вобкент туман тиббиёт бирлашмасига қарашли кўп тармоқли марказий поликлиникасида жами 14 та тиббий бригада фаолият кўрсатиб келмоқда. Ҳар бир тиббий бригадада фаолият юритаётган универсал патронаж ҳамширалар ва умумий амалиёт ҳамширалари ўзларига тегишли ахолининг саломатлигини мустаҳкамлаш, аҳоли орасида касалликларни эрта аниқлаш, уйда парваришга мухтож беморлар, кексалар аҳволидан режа асосида ўз ташрифларини буюриб, уларга тегишли ёрдамларини бериб келмоқдалар.
Ҳар бир тиббий бригада икки минг ахолига беминнат ўз хизматларини кўрсатиб келмоқдалар ва улар бу борада ўзларининг билим ва малакаларига таянган ҳолда ахолининг саломатлиги учун курашиб келмоқдалар.
Шунингдек кўрилган беморларга оила шифокорининг тавсияларига асосланган ҳолда марказий поликлиникада мавжуд бепул дори-дармонлар билан ҳам таъминлашмоқда.
