Вобкент тумани “Мўминобод” МФЙ ҳудудида жойлашган 40-умумий ўрта таълим мактабида туман ҳокими Ф.Умаров, Мактабгача ва мактаб таълими бўлими вакиллари, ўқувчиларнинг ота-оналари ва кенг жамоатчилик вакиллари иштирокида “Билимлар куни” байрами юқори қайфиятда ўтказилди.
Мустақиллигимизнинг кейинги уч йили Ўзбекистон тарихига халқимиз ҳаёти ва турмуш тарзи учун, айниқса, келажак истиқболини аниқ белгилаб олишимизга асос бўладиган, мутлақо янги, кенг кўламли, улуғ мақсадлар ва ғояларни ўзида жамлаган ислоҳотлар тўлқини билан кириб келди.
“Билимлар куни” байрами Ўзбексистон Республикаси Давлат Мадҳияси билан бошланди.
“Биз ўз олдимизга мамлакатимизда Учинчи Ренессанс пойдеворини барпо этишдек улуғ мақсадни қўйган эканмиз, бунинг учун янги Хоразмийлар, Берунийлар, Ибн Синолар, Улуғбеклар, Навоий ва Бобурларни тарбиялаб берадиган муҳит ва шароитларни яратишимиз керак”-деб таъкидлади туман ҳокими Фарход Умаров.
Президентимиз Шавкат Мирзиёевнинг Янги Ўзбекистон ҳаётида давлат ташаббуслари, устувор эътибор ва ғамхўрлик аввало, таълим ва тарбияни ривожлантириш, соғлом турмуш тарзини қарор топтириш, илм-фан ва инновацияларни тараққий эттиришга қаратилаётганидан далолат беради.
Қайд этиш керак, Давлатимиз раҳбари ташаббуси билан айни мана шу мақсаадда “Янги Ўзбекистон – мактаб остонасидан, таълим-тарбия тизимидан бошланади”, деган ғоя асосида кенг кўламли ислоҳотлар амалга оширилмоқда.
Вобкент тумани 40-умумий ўрта таълим мактабида 315 нафар иқтидорли ўқувчиларни ўз бағрига олган, барча шарт-шароитларга эга замонавий мактаб ўз фаолиятини бошлади.
Бундан ташқари, ўқувчиларнинг иқтидори, аниқ фанлар ва технологияларга қизиқиши, яратувчанлик салоҳиятини ўстиришга хизмат қиладиган робототехника, IELTS, креатив ижод тўгараклари, информатика, инлиз тили каби табииий фанларни чуқурлаштирилган ҳолда ўзлаштириш имконини берадиган хоналари ташкил этилган.
Тадбир якунида биринчи синфга қабул қилинган ўқувчиларга Президент совғалари топширилди.
