Вобкент туман ҳокими сайёр қабулда долзарб масалаларга ечим топди

Бугун ҳам туман ҳокими Ф.Умаров томонидан туман ҳокимлигининг кичик йиғилишлар залида навбатдаги қабули ўтказилди.

 Қабулда туман ҳокими ўринбосарлари, Халқ қабулхонаси мудири, тумандаги барча мутасадди корхона, ташкилот, муассасалар раҳбарлари иштирок этди.

Туман ҳокими Ф.Умаров мурожаатчилар эътиборини оммавий қабуллар жисмоний ва юридик шахсларнинг қонуний манфаатларини ҳимоя қилиш, мансабдор шахсларнинг мурожаатлар билан ишлашдаги масъулиятини оширишда муҳим омил бўлаётганини таъкидлади. Фуқароларнинг мурожаатлари эътиборсиз қолмаслиги, уларнинг барча саволларига туман корхона ва ташкилотларининг раҳбарлари очиқ-ойдин жавоб беришлари ҳақида сўз юритди.

Шундан сўнг қабулга туман корхона ва ташкилотлари, туман ҳокимлиги мутасаддилари, секторлар ҳамда идора ва муассасалар раҳбарлари жалб этилди. Қабул давомида 10 нафар фуқаролар иштирок этишди. Муаммоли масалалар юзасидан мурожаатларнинг 4 таси жойида ҳал этилган бўлса, 7 нафар фуқарога хуқуқий тушунчалар берилиб, туман раҳбарларига ижроси қонун доирасида ўрганиб ижобий ҳал этиш топшириғи берилди.

Фуқароларнинг мурожаати асосан йўлларни таъмирлаш, тоза ичимлик суви таъминотини яхшилаш, уй-жой билан таъминлаш, тиббий хизмат кўрсатиш сифатини яхшилаш ва тадбиркорликни ривожлантириш, ишга жойлашиш каби муаммолар ҳақида бўлди.

Жойида ҳал этиш имкони бўлган мурожаатлар юзасидан талаблар қаноатлантирилди. Атрофлича ўрганишни тақозо этадиган долзарб масалаларни ҳал этиш юзасидан ечимини топиш ваколатига эга бўлган корхона, ташкилот, муассасаларга муддат белгиланиб, тегишли органлар томонидан назоратга олинган ҳолда топшириқлар берилди.

Қабул давомида қайд этилган мурожаатларнинг асосий қисми ижтимоий-иқтисодий масалаларга оид бўлиб, барчаси назоратга олинди ва уларни ҳал этиш бўйича муддатлар белгиланди.