Бугун, 11 октябрь куни Ромитан туман тиббиёт бирлашмасига қарашли, бир вақтнинг ўзида 70 нафар туғруқ ёшидаги аёллар учун хизмат кўрсатадиган туманлараро перинатал маркази тантанали тадбир билан фойдаланишга топширилди.
Очилиш тадбирида Бухоро вилоят ҳокимлиги соғлиқни сақлаш бошқармаси бошлиғи Аскар Бахронов, туман ҳокими Умеджон Барноев бошчилигида сектор раҳбарлари, туман ҳокими ўринбосарлари, тиббиёт маркази врач ва хамширалари, жамоатчилик вакиллари ҳамда нуроний отахонлар иштирок этди.
Тадбирда туман ҳокими У.Барноев сўзга чиқиб, соҳа ходимларини янги туғруқ комплекси билан қутлаб, марказнинг барпо этилиши ҳудудларда оналар ва чақалоқлар саломатлигини яхшилашга, она ва бола ўлимини олдини олишга хизмат қилишлигини, тиббиёт масканида туғилажак фарзандлар келажакда халқимизга, ватанимизга хизмат қиладиган, соғлом, баркамол, ватанпарвар йигит ва қизлар бўлишсин деб тилак билдирди.
Шундан сўнг фаоллар иштирокида рамзий тасма қирқилиб, меҳмонлар туғруқ комплексида яратилган шарт-шароитлар билан танишдилар. Перинатал марказни малакали кадрлар билан таъминлаш мақсадида 1 нафар Неонатолог врач Россиянинг Санк-Петербург шаҳрида малака ошириб қайтган бўлса, 3 нафар Реаниматолог, Акушер-гениколог ва Неонатолог мутахассислар Хоразм вилоятида Россиялик мутахассислар томонидан ўқитилди.
Ромитан туман туманлараро перинатал маркази Ромитан, Пешку ва Бухоро туманларидан келган тиббий хизмат олишга муҳтож ҳомиладор, туғувчи аёллар ва чақалоқларга перинатал тиббий хизмат кўрсатади.
