Ўзбекистон Республикаси Давлат мустақиллигининг 31 йиллиги, “Биринчи қўнғироқ” ҳамда “Билимлар куни” муносабати билан Ромитан туман халқ таълими бўлими тасарруфидаги 14-умумтаълим мактабининг бошланғич синфлари учун 180 ўринли қўшимча ўқув биносининг очилиш маросими бўлиб ўтди.
Тантанали маросимга туман ДСИ бошлиғи Б.Ғайбуллаев, туман ҳокими ўринбосари Ф.Саломов, туман ХТБ масъул ходимлари, билимга чанқоқ ўқувчилар, устозлар, маҳалла фаоллари, ота-оналар ва оқсоқоллар иштирок этишди.
3,2 миллиард сўм инвестиция маблағлари ҳисобидан “Бобир Азамат Темир” МЧЖ томонидан 270 ўринли ўқув бинони мукаммал таъмирлаш ишлари олиб борилди ҳамда 180 ўринли янги бино қуриб битказилди. Мазкур ўқув биносида бошланғич синф ўқувчилари таълим олишини кўзда тутган ҳолда, ҳар бир синф хонасида қўл ювиш мосламаси, ҳар бир қаватди сув иситгич, бино ташқарисида хожатхона мавжуд.
Тадбир давомида туман ҳокими ўринбосари Фузулий Саломов фахрий лентани кесиб, рамзий калитни мактаб раҳбарига тақдим этди.
