Ҳабарингиз бор, 23-январдан Республикамиздаги таълим муассасаларида ўқишлар бошланди.
Шу муносабат билан Ромитан тумани ҳокими Умеджон Барноев тумандаги 1-сектор ҳудудида жойлашган 11,12,13,26,27,28-умумтаълим мактабларида бўлиб, синф хоналарнинг иссиқлик таъминоти билан танишиб ўқувчилар билан мулоқот олиб борди.
Таълим муассасаларидаги иссиқлик таъминоти, синфхона ва ўқув хоналаридаги мўътадил ҳарорат, иссиқлик етказиш ускуналари ва қозонхоналарининг узлуксиз ишлашини таъминлаш ва аниқланган камчиликларни бартараф этиш бўйича маъсулларга тегишли топшириқлар берди.
Шундан сўнг туман раҳбари 1-сектор ҳудудида жойлашган 13,21,22-давлат мактабгача таълим ташкилотларидаги иситиш тизимларини кўриб чиқди. ДМТТларни иситиш тизими кўмир орқали ёқилиб, соз ҳолатда ишлаётганини кўздан кечирди.
