Ромитан тумани ҳокими Умеджон Барноев бошчилигида туманни иқтисодий ривожлантириш, ишсизликдан ҳоли ҳудудга айлантириш ва аҳоли даромадларини ошириш бўйича тегишли мутасаддиларга бир қатор топшириқлар берилган эди.
Ушбу топшириқлар ижросини таъминлаш мақсадида туманнинг 1-секторига қарашли Бахтиёрчи маҳалла фуқаролар йиғини ҳоким ёрдамчиси томонидан шу ҳудудда яшовчи Шерхан Қўшаевга тадбиркорлик фаолиятини йўлга қўйиш учун чорвачилик йўналиши бўйича ПҚ-306 сонли қарорга асосан 100 миллион сўмлик кредит маблағи ажратиб берилди.
Тадбиркор Шерхан Қўшаев ажратилган кредит маблағларидан оқилона фойдаланиб, ўзининг яшаш хонадонида 2 бош қорамол ҳамда 40 бош қўй ва эчки чорва молларини олиб келиб, тадбиркорлик фаолиятини йўлга қўйди. Натижада, ўзи ва оила аъзоларини иш билан бандлигини таъминлади. Тадбиркор томонидан ҳозирги кунга қадар қорамол бош сони 4 бошга етиб, қўй ва эчки сони 65 бошга ўсишга эришилган.
