Учрашувда Республика ишчи гуруҳи вакили Ҳакимжон Абдулазизов, туман ҳокими Умеджон Барноев, Халқ депутатлари туман Кенгаши котибияти мудири Раҳима Атоева, туман ҳокими ўринбосарлари, ҳуқуқни муҳофаза қилувчи органлар ходимлари, тегишли корхона, ташкилот ва идоралар вакиллари, нуронийлар, ота-оналар, ўқитувчилар, кенг жамоатчилик вакиллари ҳамда “маҳалла еттилиги” иштирок этди.
Учрашувда туман ҳокими Умеджон Барноев сўзга чиқиб, сўнги йилларда таълим соҳасида олиб борилаётган ислоҳотлар, янгиликлар, ёшлар тарбиясида “Мактаб – ота-она – маҳалла” узвийлиги, умуман, ота-оналарнинг ролини янада ошириш, уларни мактаб ҳаётига фаол жалб қилиш хусусида сўз юритди.
Самимий ва очиқ мулоқот тарзда ўтган учрашувда сўз олганлар ёшларнинг билимли, ҳунарли, тарбияли, иродали, маърифатли, маънавиятли ҳамда ватанпарвар руҳида вояга етишлари учун ҳамкорликни янада мустаҳкамлаш лозимлигини таъкидладилар.
Тадбир сўнггида намунали ўқувчиларининг ота-оналарига “Ташаккурнома”лар топширилди.
