Яқинлашиб келаётган янги йил байрами муносабати билан Ромитан туманида истиқомат қилувчи кам таъминланган, ижтимоий ҳимояга муҳтож, боқувчисини йўқотган, ногиронлиги бор бўлган 91 нафар оилаларга озиқ-овқат маҳсулотлари туман ҳокими Умеджон Барноев бошчилигида етказиб берилди.
Бу каби кўрсатилган эътибор ва эзгу ишдан чексиз миннатдормиз, Муҳтарам Президентимизга ўз ташаккуримизни изҳор этамиз,- дейди “Муллоён” қишлоғида яшовчи Мирзо бобо Ғафуров.
Инсоний фазилатларгина улуғлик сари бошлайди. Қаердаки, меҳр-оқибат, қадр-қиммат мавжуд экан, шу ерда бахтиёрлик, фаровонлик ҳукм сураверади. Туманимизда инсонпарварлик ғоялари билан йўғрилган савобли саъй-ҳаракатлар эса давом этмоқда. Зеро инсон қадри ҳар нарсадан улуғ!
