Дастлаб, тантанада имом хатиб Ғолиб Муродов томонидан қилинган Қуръон тиловати тадбирни очиб берган бўлса сўнгра, туман ҳокими Умиджон Барноев барчани байрам билан қутлади, юртимизда эҳтиёжманд оилаларни қўллаб-қувватлаш, камбағалликни қисқартириш, ижтимоий рўйхатлардаги фуқароларни доимий даромад манбаи билан таъминлаш борасида амалга оширилаётган ислоҳотлар хусусида сўз юритилди.
Шунингдек, сўз олган нуроний отахонлар суннат тўйи бўлаётган жажжи болажонларни табриклаб, келажакда етук инсон бўлиб етишишларини тилашди.
Шундан сўнг 60 нафар болажонларга туман ҳокимлиги, сектор раҳбарлари, тумандаги ташкилот, корхора раҳбарлари, “Маҳалла” хайрия жамоат фонди ҳузуридаги “Саховат кўмак” жамғармаси маблағлари ҳисобидан ҳамда ҳомийлар кўмагида зар тўнлар кийдирилиб, велосипедлар совға тариқасида тақдим этилди.
Тадбир давомида бир пиёла чой устида дастурхон тузалиб, ош тарқатилганлиги, қўғирчоқ театри саҳна кўринишлари, туман маданият бўлими вакилларининг куй, қўшиқлари ва рақслар гулдастаси йиғилганларга кўтаринки кайфият бағишлади.
